宜家雪糕有层出不穷嘅配搭，可以配鸡蛋仔、番薯等等，仲可以有咩配搭？尖沙咀最近有5款新口味雪糕，即刻带大家睇睇！

出奇地夹！温泉蛋雪糕

将温泉蛋加落雪糕度，听落会觉得味道好奇怪，但竟然有意想不到的效果！因为温泉蛋口感像啫喱，令雪糕变得更软滑，而且雪糕亦令蛋黄的蛋香味更突出。雪糕除了配上Oreo，使口感更丰富、还有粟米脆片及乾果，令你食得健康！

不过想试这杯雪糕的朋友要留意，温泉蛋雪糕每日限量20杯，要食就早d去喇！

Amitie Kitchen

地址：尖沙咀亚士厘道27号捷利商业大厦8楼

电话：3104 9234

营业时间：星期一至二，四至日12nm-10pm；星期三休息

所谓「一醉解千愁」，想醉唔一定要饮酒，食雪糕都会令你开心返！刚刚新开张的The Little Corner推出桑莓啤酒味雪糕，雪糕由粉红啤Hoegaarden Rosée啤酒，加牛奶软雪糕做成，锺意饮啤酒又好甜品嘅你，就要去试喇！

CHEERS! 啤酒味软雪糕

一杯雪糕内有半支啤酒份量，因此啤酒味非常浓郁，像喝啤酒一样！雪糕有桑莓脆脆作配料，味道酸酸甜甜，正好中和啤酒的苦涩味。另外，雪糕还有朱古力爆炸糖，令口感更刺激！

又冻又热 雪糕热狗

由于啤酒雪糕含有酒精成份，所以不建议给小朋友吃这款雪糕，小朋友可以选择另一款雪糕，由热狗包和软雪糕所组成的冰冻火山，软雪糕口味每天都不同，有宇治抹茶、焙茶及牛乳味。

热狗包即叫即炸，外脆内软，加上软雪糕，一冷一热感觉好特别，而且包心充满住雪糕，不会觉得麵包好乾。而宇治抹茶雪糕茶味出众，不会太甜。

The Little Corner

地址：尖沙咀山林道10号山林阁地下2C号舖

电话：3954 5463

营业时间：星期一至日12nm-11pm

松坂库不时推出独特口味雪糕，如：Wasabi盐、柿子醋等等，今次一口气推出7款新口味雪糕，畀你食足一星期！其中一款是星空酒雪糕，卖相好吸引，如果你锺意粉红色，一定觉得靓！我哋BloggerPoortravellers穷游即刻去试食！

粉红控至爱 星空酒软雪糕

Poortravellers穷游：呢杯雪糕上面粉红色嘅就係星空酒啦，夹埋竟然唔会怪，酒味唔係话太浓，食到雪糕嘅牛奶香。

苦味回甘 无花果籽x蜜糖软雪糕

另外六款雪糕口味都非常特别，BloggerPoortravellers穷游还试了有机无花果籽加栗子蜜糖雪糕，究竟味道又如何？

Poortravellers穷游：呢杯係用咗韩国黎嘅栗子树蜜加埋大阪嘅无花果籽，呢款蜜糖好得意，一开始会食到蜜糖本身既苦味，然后回甘，蜜糖甜味再慢慢浸出，加埋无花果籽嘅口感同雪糕奶香，呢杯好味。

松坂库

地址：尖沙咀金马伦道35号地舖

电话：2323 8700

营业时间：星期一至日9am-10pm